‘രാജ്യത്ത് ഇനി വിവാഹിതര്‍ അല്ലാത്തവര്‍ക്കും കുഞ്ഞുങ്ങളെ ദത്തെടുക്കാം’ ; കേന്ദ്ര വനിതാ ശിശുക്ഷേമ മന്ത്രാലയം

ഡല്‍ഹി: കുട്ടികളെ ദത്തെടുക്കുന്നതുമായി ബന്ധപ്പെട്ട നിയമങ്ങളിൽ ഭേദഗതി നടത്തി കേന്ദ്ര വനിതാ ശിശുക്ഷേമ മന്ത്രാലയം.

ഭേദഗതി പ്രകാരം, ഇനി സിംഗിള്‍ പാരന്റുകളും അവിവാഹിതരായവരും കുട്ടികളെ ദത്തെടുക്കാന്‍ സാധിക്കും. കൂടാതെ, പങ്കാളി മരിച്ചവരും വിവാഹബന്ധം വേര്‍പെടുത്തിയവരും രണ്ട് വര്‍ഷത്തെ പരിചരണത്തിന് ശേഷം ദത്തെടുക്കാനുള്ള അനുമതി നേടും.

സ്ത്രീകള്‍ക്ക് ലിംഗഭേദമില്ലാതെ ആണ്‍കുട്ടിയെയോ പെണ്‍കുട്ടിയെയോ ദത്തെടുക്കാനാകും, പക്ഷേ പുരുഷന് ആണ്‍കുട്ടിയെ മാത്രം ദത്തെടുക്കാം. 2016ലെ ഫോസ്റ്റര്‍ കെയര്‍ നിയമപ്രകാരം, നിയമപരമായി വിവാഹം കഴിച്ച ദമ്ബതികള്‍ക്കു മാത്രമാണ് ഇതുവരെ ദത്തെടുക്കാനുള്ള അനുവാദം ഉണ്ടായിരുന്നത്.

പരിചരണ കാലാവധി അഞ്ച് വർഷത്തില്‍നിന്ന് രണ്ട് വര്‍ഷമായി കുറയ്ക്കുകയും, മക്കളുള്ളവര്‍ക്കും ദത്തെടുക്കാന്‍ അനുമതി നല്‍കുകയും ചെയ്തിട്ടുണ്ട്.

2021ലെ ജുവനൈല്‍ ജസ്റ്റിസ് നിയമഭേദഗതിയും 2022ലെ ജുവനൈല്‍ ജസ്റ്റിസ് നിയമഭേദഗതിയും അടിസ്ഥാനമാക്കി ആണ് ഈ മാറ്റങ്ങള്‍.

വിവാഹിതരില്‍ രണ്ട് വര്‍ഷമെങ്കിലും സ്ഥിരമായ ദാമ്പത്യത്തില്‍ കഴിയുന്നവര്‍ക്കാണ് ദത്തെടുക്കാന്‍ അനുമതി.

മുന്‍ ചട്ടപ്രകാരം, ദമ്ബതിമാര്‍ക്ക് രണ്ടുപേരും 35 വയസ്സ് തികയണമെന്ന വ്യവസ്ഥയുണ്ടായിരുന്നുവെങ്കിലും, പുതിയ ചട്ടപ്രകാരം 70 വയസ്സ് പൂര്‍ത്തിയായാല്‍ മതിയാകും.

6-12 വയസ്സിനും 12-18 വയസ്സിനുമിടയില്‍ പ്രായമുള്ള കുട്ടികളെയാണ് ദത്തെടുക്കാന്‍ സാധിക്കുക.

6-12 വയസ്സുള്ള കുട്ടികളെ ദത്തെടുക്കുന്നതിനുള്ള രക്ഷിതാവിന്റെ പരമാവധി പ്രായം 55 വയസ്സായിരിക്കുമ്പോള്‍, 12-18 വയസ്സുള്ളവരെ ദത്തെടുക്കുന്നതിന് 60 വയസ്സാണ് പരമാവധി പ്രായപരിധി.