തിരുവനന്തപുരം: പി.വി. അന്വര് ഉന്നയിച്ച ആരോപണങ്ങളോട് പ്രതികരിച്ച് പൊതു നിര്മ്മാണ വകുപ്പ് മന്ത്രി പി. എ. മുഹമ്മദ് റിയാസ്. തെറ്റിന് സര്ക്കാര് ഒരു തരത്തിലും കോംപ്രമൈസ് ചെയ്യില്ലെന്നും “ഉപ്പ് തിന്നവര് ആരായാലും വെള്ളം കുടിക്കേണ്ടിവരും” എന്ന പഴമൊഴി ഉപയോഗിച്ച് അദ്ദേഹം അഭിപ്രായപ്പെട്ടു.
കണ്ണൂരില് മാധ്യമങ്ങളോട് സംസാരിക്കവെയാണ് അദ്ദേഹം ഈ നിലപാട് വ്യക്തമാക്കിയത്.
സര്ക്കാര് ഇതുവരെ ആരോപണങ്ങളെ ഗൗരവത്തോടെ പരിശോധിച്ചതായും, അതിനാല് തന്നെ മുഖ്യമന്ത്രി പിണറായി വിജയനും പാര്ട്ടി ജനറല് സെക്രട്ടറിയും ഇതേപ്പറ്റി പ്രതികരിച്ചിട്ടുണ്ടെന്നും അദ്ദേഹം വ്യക്തമാക്കി. കേരളത്തിലെ പോലീസ് സംവിധാനം പൂര്ണ്ണമായും മോശമാണെന്ന് ആരും പറയാനാവില്ലെന്നും റിയാസ് കൂട്ടിച്ചേര്ത്തു.
2016-ല് ഇടതുപക്ഷ സര്ക്കാര് അധികാരത്തിലേറിയ ശേഷം, ജനകീയ പോലീസ് സംവിധാനത്തിലൂടെ ജനങ്ങള്ക്ക് പോലീസിനെ ഏത് സമയവും സമീപിക്കാവുന്ന ഒരു സാഹചര്യം സൃഷ്ടിക്കാനായെന്നും അദ്ദേഹം വ്യക്തമാക്കി.
മുഖ്യമന്ത്രിയുടെ നിര്ദ്ദേശപ്രകാരമാണ്, സര്ക്കാര് അതായത് പ്രത്യേക ശ്രദ്ധയോടെ പൊതുജന സുരക്ഷയ്ക്ക് മുന്തൂക്കം നല്കുന്നത്. തെറ്റ് ചെയ്തവരോട് കര്ശന നടപടികള് സ്വീകരിക്കുമെന്നും, തെറ്റിന് സര്ക്കാര് സംരക്ഷണം നല്കില്ലെന്നും അദ്ദേഹം ഉറപ്പിച്ചു.
