കര്ണാടകയിലെ ഷിരൂരില് മണ്ണിടിച്ചിലിനെ തുടര്ന്ന് കാണാതായ മലയാളി ലോറി ഡ്രൈവര് അര്ജുനെ കണ്ടെത്താനുള്ള തിരച്ചില് വീണ്ടും ആരംഭിക്കാന് തീരുമാനം. ബുധനാഴ്ച ഡ്രഡ്ജര് എത്തിച്ചതിന് ശേഷം, വ്യാഴാഴ്ച തിരച്ചില് പുനരാരംഭിക്കാനാണ് തീരുമാനം.
അര്ജുനെയുള്ള തിരച്ചില് നേരത്തേ ഓഗസ്റ്റ് പതിനാറിന് അവസാനിപ്പിച്ചിരുന്നു. അതിന് കാരണം കാലാവസ്ഥാ പ്രശ്നങ്ങളായിരുന്നു. പുതിയ തിരച്ചില് സംഘത്തിന്റെ പ്രവര്ത്തനങ്ങള്ക്ക് ആവശ്യമായ ഡ്രഡ്ജര് എത്തിക്കാന് ഗോവയില് നിന്ന് സഹായം തേടിയിട്ടുണ്ട്. ഈ പ്രവര്ത്തനങ്ങള്ക്കായി കര്ണാടകയിലെ കാര്വാര് ആസ്ഥാനമായ സ്വകാര്യ ഷിപ്പിംഗ് കമ്പനി ജില്ലാ ഭരണകൂടത്തിന്റെ നിര്ദേശപ്രകാരം രംഗത്തുണ്ട്.
അര്ജുന്റെ മാതാപിതാക്കള് കര്ണാടക മുഖ്യമന്ത്രി സിദ്ധരാമയ്യയെ നേരിട്ട് കണ്ടതിനെത്തുടര്ന്നാണ് തിരച്ചില് പുനരാരംഭിക്കാന് നടപടിയുണ്ടായത്.
