പന്തീരാങ്കാവ് ഗാര്ഹിക പീഡന കേസില് പ്രതി രാഹുലിന്റെ ഹര്ജി ഹൈക്കോടതി ഇന്ന് പരിഗണിക്കും. രാഹുലിന്റെ ഭാര്യയുമായി കേസ് ഒത്തുതീര്പ്പായെന്ന് നേരത്തെ ഹൈക്കോടതിയെ അറിയിച്ചിരുന്നു.
ഹര്ജിയില് സംസ്ഥാന സര്ക്കാര് കോടതിയില് നിലപാട് അറിയിക്കും. കേസ് റദ്ദാക്കണമെന്നാവശ്യപ്പെട്ടുളള ഹര്ജിക്കൊപ്പം എറണാകുളം വടക്കന് പറവൂര് സ്വദേശിനിയായ ഭാര്യയുടെ സത്യവാങ്മൂലവും കോടതിയില് സമര്പ്പിച്ചിട്ടുണ്ട്.
ഭര്ത്താവ് രാഹുലിനെതിരെ പരാതി നല്കിയത് വീട്ടുകാരുടെ സമ്മര്ദത്തെ തുടര്ന്നാണെന്നാണ് യുവതിയുടെ ഇപ്പോഴത്തെ നിലപാട്. സകല തെറ്റിദ്ധാരണകളും മാറിയെന്ന് രാഹുലും കോടതിയെ അറിയിച്ചു. പരാതിക്കാരിയായ യുവതി മൊഴി മാറ്റിയ സാഹചര്യത്തില്, കേസ് മുന്നോട്ട് കൊണ്ടുപോകുന്നതില് നിയമോപദേശം അനുസരിച്ചാകും പൊലീസ് നിലപാട്. കേസെടുത്തതിന് പിന്നാലെ രാഹുല് ജര്മനിയിലേക്ക് പോയിരുന്നു.
