അമീബിക്ക് മെനിഞ്ചോ എൻസെഫലൈറ്റിസ് (അമീബിക് മസ്തിഷ്ക ജ്വരം) ബാധിച്ചവർക്ക് തുടർചികിത്സ ഉറപ്പാക്കാൻ തിരുവനന്തപുരത്ത് മെഡിക്കൽ ബോർഡ് രൂപീകരിക്കാൻ ആരോഗ്യവകുപ്പ് മന്ത്രി വീണാ ജോർജ് നിർദ്ദേശം നൽകി. പ്രത്യേക ചികിത്സാ മാർഗ്ഗനിർദ്ദേശങ്ങളോടെയാണ് ചികിത്സ നടത്തുന്നത്.
പായൽ പിടിച്ചു കിടക്കുന്ന കുളങ്ങളിലോ മലിനജലമുള്ള ഇടങ്ങളിലോ മുങ്ങുന്നത്, മുഖം കഴുകുന്നത്, ശസ്ത്രക്രിയകൾക്ക് വിധേയമായവരിൽ ഈ രോഗം ബാധിക്കാൻ സാധ്യതയുണ്ട്.
ഇതിനകം ഒരാൾ മരണമടഞ്ഞതോടെ 6 പേർക്കാണ് അമീബിക് മസ്തിഷ്ക ജ്വരം സ്ഥിരീകരിച്ചത്. രോഗ ലക്ഷണങ്ങളായ തലവേദന, കഴുത്ത് വേദന എന്നിവ അനുഭവപ്പെട്ടവരിൽ പരിശോധന നടത്തുകയും രോഗം കണ്ടെത്തി ചികിത്സ ആരംഭിക്കുകയും ചെയ്തു.
2 പേരിൽ രോഗം സംശയിക്കപ്പെടുന്നു, ഇവരുടെ സാമ്പിളുകൾ പരിശോധിക്കുന്നു. രോഗവ്യാപനം തടയാൻ മലിനജല ഉപയോഗം പരമാവധി ഒഴിവാക്കണമെന്നും ആരോഗ്യവകുപ്പ് നിർദേശിച്ചു.
അമീബയ്ക്ക് മെനിഞ്ചോ എൻസെഫലൈറ്റിസ് ഒരു അപൂർവ രോഗമാണ്, പകർച്ചവ്യാധിയല്ല. വേനൽക്കാലത്ത് ജലത്തിന്റെ അളവ് കുറയുന്നതിനാൽ അമീബയുടെ സാന്നിധ്യം കൂടുന്നത് ശ്രദ്ധിക്കപ്പെട്ടിട്ടുണ്ട്.
ചെവിയിൽ പ്രശ്നമുള്ളവർ കെട്ടിക്കിടക്കുന്ന ജല സ്രോതസുകളിൽ കുളിക്കുന്നത് ഒഴിവാക്കണം. വാട്ടർ തീം പാർക്കുകളിലും സ്വിമ്മിംഗ് പൂളുകളിലും ജലത്തിന് ആവശ്യമായ ശുദ്ധീകരണം ഉറപ്പാക്കണം.
