ദുബൈയിലെ സർക്കാർ ഉദ്യോഗസ്ഥർക്കായി വേനൽക്കാലത്ത് ഏഴ് മണിക്കൂർ ജോലിസമയം കുറക്കുന്നതിനുള്ള പൈലറ്റ് പദ്ധതി പ്രഖ്യാപിച്ചു. “അവർ ഫ്ലക്സിബ്ള് സമ്മർ” എന്ന പേരിൽ ആരംഭിക്കുന്ന ഈ സംരംഭം ആദ്യഘട്ടത്തിൽ 15 സർക്കാർ സ്ഥാപനങ്ങളിൽ നടപ്പാക്കും. ഈ പദ്ധതിയുടെ ഭാഗമായുള്ള പരീക്ഷണം 2024 ഓഗസ്റ്റ് 12 മുതൽ സെപ്റ്റംബർ 30 വരെയാണ്.
പ്രസ്തുത പദ്ധതിയിലൂടെ, അടുത്ത ഏഴ് ആഴ്ചകളിൽ വാരാന്ത്യങ്ങളിൽ മൂന്നു ദിവസത്തെ അവധിയും ദുബൈയിലെ സർക്കാർ ഉദ്യോഗസ്ഥർക്ക് ലഭിക്കും. നിലവിൽ, ദുബൈയിലെ എല്ലാ സർക്കാർ സ്ഥാപനങ്ങളിലും ശനിയാഴ്ചയും ഞായറാഴ്ചയും മുഴുവൻ അവധി നൽകുന്നുണ്ട്, വെള്ളിയാഴ്ച പകുതിദിവസമാണ്.
പദ്ധതി, ജോലിസ്ഥലത്ത് സുരക്ഷയും, തൊഴിൽ-ജീവിത ബാലൻസും, വർദ്ധിപ്പിക്കാനാണ് ലക്ഷ്യമിടുന്നത്. അതുപോലെ, കണക്ക് കൂട്ടിയാൽ ഊർജ ഉപഭോഗം കുറയ്ക്കാനും ഉൽപ്പാദനക്ഷമതയും ഉയർത്താനും ഈ പദ്ധതി സഹായകമാകുമെന്ന് അധികൃതർ കരുതുന്നു.
മൂന്ന് ദിവസത്തെ വാരാന്ത്യ അവധി അനുവദിക്കുന്ന ഏക എമിറേറ്റ് ഷാർജയിലാണ്, ഈ നടപടിയെത്തുടർന്ന് ഉൽപ്പാദനക്ഷമത, തൊഴിൽ സംതൃപ്തി, ഉപഭോക്തൃ സംതൃപ്തി എന്നിവയിൽ വൻ വർധന രേഖപ്പെടുത്തിയിട്ടുണ്ട്.
ദുബൈയുടെ മത്സരക്ഷമത ഉയർത്തുന്നതിനായി, ഈ പുതിയ സംരംഭം മനുഷ്യവിഭവങ്ങൾ ശക്തിപ്പെടുത്തുന്നതിനും നൂതനമായ ആശയങ്ങളും സ്മാർട്ട് സൊല്യൂഷനുകളും വികസിപ്പിക്കുന്നതിനുള്ള ദീർഘവീക്ഷണത്തിന് അനുയോജ്യമായതിനാലാണ് നടപ്പിലാക്കുന്നതെന്ന് ഡി.ജി.എച്ച്.ആർ ഡയറക്ടർ ജനറൽ അബ്ദുല്ല ബിൻ സായിദ് അൽ ഫലസി വ്യക്തമാക്കി.
