തിരുവനന്തപുരം: ഹരിത കര്മ്മസേനയിലെ സ്ത്രീ തൊഴിലാളികള് നേരിടുന്ന പ്രശ്നങ്ങളെ കുറിച്ച് പഠിക്കാൻ കേരള വനിതാ കമ്മീഷൻ സെപ്റ്റംബർ 26-ന് പബ്ലിക് ഹിയറിംഗ് നടത്തും. തിരുവനന്തപുരം ഗസ്റ്റ് ഹൗസിൽ രാവിലെ 10 മണിക്ക് ആരംഭിക്കുന്ന ഈ പരിപാടി വനിതാ കമ്മീഷന് അധ്യക്ഷ അഡ്വ. പി. സതീദേവി ഉദ്ഘാടനം ചെയ്യും.
ഹരിതകേരളം മിഷൻ വൈസ് ചെയര്പേഴ്സൺ ടി.എന്. സീമ മുഖ്യ പ്രഭാഷണം നടത്തും, ആ കമ്മീഷൻ അംഗം അഡ്വ. ഇന്ദിര രവീന്ദ്രൻ ചടങ്ങില് അദ്ധ്യക്ഷയാകും. പബ്ലിക് ഹിയറിംഗിൽ വി.ആര്. മഹിളാമണി, അഡ്വ. എലിസബത്ത് മാമ്മന് മത്തായി, അഡ്വ. പി. കുഞ്ഞായിഷ, സോണിയ വാഷിംഗ്ടണ്, ഡയറക്ടര് ഷാജി സുഗുണന് ഐപിഎസ്, എസ്. ജഹാംഗീര്, എ.എസ്. ശ്രീകാന്ത്, എസ്. സുചിത്ര, ചിഞ്ചു ഷാജി, എന്. ദിവ്യ തുടങ്ങിയ പ്രമുഖർ പങ്കെടുക്കും.
ഹരിത കര്മ്മസേനയിലെ വനിതാ തൊഴിലാളികള് അനുഭവിക്കുന്ന പ്രശ്നങ്ങൾ സമഗ്രമായി വിശകലനം ചെയ്ത്, ചർച്ചയിൽ നിന്നും രൂപപ്പെട്ട നിർദേശങ്ങൾ സർക്കാർ അധികൃതര്ക്ക് സമർപ്പിക്കുകയാണ് കമ്മീഷന്റെ ലക്ഷ്യം.
