രാജ്യത്തെ ആദ്യ തദ്ദേശീയ ബുള്ളറ്റ് ട്രെയിന് ബംഗളുരുവിലെ ബിഇഎംഎല് പ്ലാന്റില് നിര്മിക്കുമെന്ന് റിപ്പോര്ട്ട്. ഇന്റഗ്രല് കോച്ച് ഫാക്ടറിയും (ഐസിഎഫ്) ബിഇഎംഎല്ലും ചേര്ന്നാണ് രണ്ട് എട്ട്-കാര് ട്രെയിന് സെറ്റ് നിര്മിക്കുന്നതിന്റെ ചുമതല ഏറ്റെടുത്തിരിക്കുന്നത്. സെപ്റ്റംബര് അഞ്ചിന് ഇത് സംബന്ധിച്ച് ടെന്ഡര് ക്ഷണിച്ചിരുന്നു.
ട്രെയിനുകളുടെ പരമാവധി വേഗം മണിക്കൂറില് 280 കിലോമീറ്ററും പ്രവര്ത്തന വേഗം 250 കിലോമീറ്ററുമാണ്. 500 കിലോമീറ്റര് ദൈര്ഘ്യമുള്ള മുംബൈ-അഹമ്മദാബാദ് ഹൈസ്പീഡ് റെയില്വേ ഇടനാഴിയിലാണ് ഈ ട്രെയിനുകള് സർവീസ് നടത്തുക.
കഴിഞ്ഞതായി ജപ്പാന് സാങ്കേതിക വിദ്യയില് നിര്മിച്ച ഷിന്കാന്സെന് ഇ-5 ട്രെയിനുകള് ഉപയോഗിക്കുമെന്നിരുന്നുവെങ്കിലും അവയുടെ ഉയർന്ന ചെലവ് കാരണം, തദ്ദേശീയ ബുള്ളറ്റ് ട്രെയിന് നിര്മിക്കാന് കേന്ദ്ര റെയില്വേ മന്ത്രാലയം തീരുമാനിക്കുകയായിരുന്നു.
ബിഇഎമല് പ്ലാന്റില് 2026 ഡിസംബറോടെ ആദ്യ തദ്ദേശീയ ബുള്ളറ്റ് ട്രെയിന് പുറത്തിറങ്ങുമെന്ന് പ്രതീക്ഷിക്കപ്പെടുന്നു.
